İran İslam İnqilabı Keşikçiləri Korpusu (SEPAH) öz hərbçilərinə istənilən texniki rabitə vasitələrindən istifadəni qadağan edib.

Bu barədə məlumatı İranın təhlükəsizlik xidmətindəki mənbələrə istinadən “Reuters” agentliyi yayıb. 

Bildirilir ki, bu barədə qərar Livanda peycer və rabitə cihazlarının partlamasından sonra verilib.

Məlumata görə, SEPAH nəinki rabitə vasitələrinin, həmçinin bütün texniki cihazların kütləvi yoxlanılmasına başlayıb. 

“Korpus rəhbərliyi baş verən hadisədən narahatdır və “Hizbullah”dan texniki ekspertizanın nəticələrini maraqlanıb”, - deyə mənbə qeyd edib. 

Xatırladaq ki, ötən həftə Livanda “Hizbullah” hərəkatının üzvlərinə məxsus peycer və rabitə cihazlarının partlaması nəticəsində 37 nəfər həlak olub, 2000-dən çox insan isə yaralanıb.