Xalq artisti Flora Kərimova Yenisabah.az saytını və müğənni Afət Fərmanqızını məhkəməyə verib. 

Məhkəmə oktyabr ayının 23-ü, saat 14:40-da Bakı şəhəri Nərimanov Məhkəməsində hakim Nərgiz Tağıyevanın sədrliyi ilə keçiriləcək.

Xalq artisti mülki qaydada baş tutacaq məhkəmədə sayta və Fərmanqızına qarşı üzr və yüksək məbləğdə (100.000 manat)  təzminat tələbi qoyub. vakansiya 2023

Media MMC-nin vəkili Asim Abbasov bildirib ki, verilmiş iddia tam əsassızdır:

“Yeni Sabah Media” müsahibə xarakterli xəbəri dərc edib. Dərc olunan məlumatlarda isə hər hansı şərəf ləyaqəti alçaldan ifadələr olmayıb”. 

Qeyd edək ki, müğənni Afət Fərmanqızı bir neçə gün öncə Xalq artisti Flora Kərimovanı oktyabr ayının 7-də oğlunun keçiriləcək toy mərasiminə dəvət edib. Müğənni hətta toy mərasimində Flora Kərimovanın əllərindən öpəcəyini bildirib. O, sənətkarla küsülü qalmaq istəmədiyini dilə gətirib.