Yaponiyada dünyanın ən uzun müddətdir cəza çəkən və edamını gözləyən məhbusu olan 88 yaşlı İvao Hakamada ona qarşı sübutların uydurma olduğu müəyyən edildikdən sonra bəraət alıb.

56 ildir edam olunacağını gözləyən İvao Hakamada 1968-ci ildə müdirini, arvadını və 2 uşağını öldürməkdə təqsirli bilinib.

Polisin saxta sübutlar təqdim etdiyinə dair şübhələrə görə Hakamadanın yenidən mühakimə olunmasına qərar verilib. kapital bank vakansiya

Bu qədər uzun müddət ölüm hökmünün icrasını gözləmək Hakamadanın psixi sağlamlığına ağır zərbə vurduğundan, o, sonda bəraət qazandığı məhkəmə prosesində iştirak edə bilməyib.

Hakamadanın işi ölkənin ən uzunmüddətli, bədnam işlərindən biridir və ictimai maraq böyükdür. Şizuoka şəhərində məhkəmə prosesini izləmək üçün 500-dən çox insan növbəyə düzülüb.