İsrail Müdafiə Qüvvələri İrandakı hərbi obyektlərə zərbələr endirir.

Bu barədə İsrail Ordusunun Mətbuat xidməti məlumat yayıb.

“İranın İsrail dövlətinə qarşı aylardır davam edən hücumlarına cavab olaraq hazırda İsrail Müdafiə Qüvvələri İrandakı hərbi obyektlərə dəqiq zərbələr endirir”, - bəyanatda bildirilib.

İsrail ordusunun sözçüsü Daniel Haqari İrandakı hərbi hədəflərə zərbə endirdiklərini təsdiqləyərək bunun İranın son aylardakı hücumlarına cavab olduğunu bildirib.

Məlumatlara görə, Tehrana hücumlarının hədəfləri kazarma və silah anbarı ola bilər.

İranın “Fars” xəbər agentliyi yazır ki, İranın paytaxtı Tehran yaxınlığında ən azı beş partlayış səsi eşidilib.

Xatırladaq ki, İran oktyabrın 1-də  İsrailə kütləvi raket hücumu həyata keçirib.

***

İsrail İrana ikinci zərbəni endirib.

Bu barədə “The Jerusalem Post” məlumat yayıb.

Bildirilib ki, zərbələr Şiraz şəhərinə endirilib.

***

İsrailin Hərbi Hava Qüvvələri İrana gecə hücumu zamanı 100-dən çox təyyarədən istifadə edib.

Bu barədə “The Jerusalem Post” məlumat yayıb.

İranın dövlət agentliyi ISNA isə İranın Hava Hücumundan Müdafiə Sisteminin Tehran üzərində İsrailin hücumunu dəf etməsinin görüntülərini dərc edib.