Əfsanəvi bosçu Mayk Taysonu məğlub edən bloger Ceyk Poll irlandiyalı qarışıq döyüş sənətçisi Konor Makqreqora döyüşməyi təklif edib.

Bu barədə o, “X” sosial şəbəkəsindəki hesabında yazıb.

“Hörmətli Konor, bilirəm ki, komandama mənimlə orta çəkidə döyüşəcəyini söyləmisən. Bu heç vaxt baş verməyəcək. Ancaq gəlin MMA döyüşü keçirək. Çəki kateqoriyası olmadan - əvvəllər olduğu kimi. Amma sən istəmirsən”, - Poll qeyd edib.

Xatırladaq ki, Ceyk Poll noyabrın 16-da rinqdə M. Taysonu məğlub edib. 8 raund davam edən görüş C.Pollun 79:73 hesablı qələbəsi ilə bitib.