Hüquq və İnsan Haqları İnstitutunun Milli Məclisin tabeliyinə verilməsi daha məqsədəmüvafiq olacaq.

Bunu Hüquq və İnsan Haqları İnstitutunda keçirilən “Həbs yerlərində saxlanılan şəxslərin hüquq və azadlıqlarının təmin edilməsi haqqında” qanuna dair hazırlanmış elmi-praktiki kommentariya layihəsinin müzakirəsi üçün dəyirmi masada İşgəncə və qeyri-insani, yaxud ləyaqəti alçaldan rəftar və ya cəzanın qarşısının alınmasına dair Avropa Komitəsinin (İQAK) üzvü Ceyhun Qaracayev deyib.

O bildirib ki, o zaman Hüquq və İnsan Haqları İnstitutu tərəfindən daha effektiv iş ortaya qoyulacaq.