Türkiyənin İstanbul şəhərində Beylikdüzü rayonunda yerləşən 14 mərtəbəli binada partlayış baş verib.

“Haber Global” xəbər verir ki, partlayışın səbəbi qaz sızması olub. Hadisə yerinə çox sayda yanğınsöndürmə briqadası və tibb işçiləri cəlb edilib.

Partlayış nəticəsində eyni ailədən 6 nəfərin yaralandığı, dağılmış mənzildə isə 1 nəfərin itkin düşdüyü bildirilir. Hadisə ilə bağlı araşdırmalar davam edir.