Zəncəfilli ilıq su oynaq ağrılarına qarşı təbii və effektiv bir vasitə hesab edilir. Zəncəfilin iltihab əleyhinə təsiri, xüsusilə artrit kimi oynaq xəstəliklərində faydalıdır. Foodinfo.az xəbər verir ki, zəncəfilin tərkibindəki gingerol adlı aktiv birləşmə iltihabı azaldaraq ağrı hissini yüngülləşdirir.O, bədəndə iltihab yaradan maddələrin istehsalını məhdudlaşdıraraq oynaq ağrılarının qarşısını alır. İlıq su ilə birlikdə istifadə edildikdə qan dövranını sürətləndirir və oynaq toxumalarına daha çox oksigen və qida maddəsi çatdırır. Zəncəfilin isti su ilə birləşməsi əzələləri sakitləşdirir və sərtliyi azaldır. Necə istifadə etməli?Bir çay qaşığı təzə rəndələnmiş zəncəfili bir stəkan ilıq suya əlavə edin. 5-10 dəqiqə saxladıqdan sonra süzüb için. Gündə 1-2 dəfə istifadə etmək kifayətdir. Zəncəfil bəzi insanlarda həssaslıq yarada bilər və ya dərmanlarla qarşılıqlı təsir göstərə bilər. Xüsusilə qan durulaşdırıcı dərman istifadə edənlər ehtiyatlı olmalıdır.