Suriyada Bəşər Əsədin hakimiyyəti dövründə hüquq müdafiəçiliyi ilə məşğul olan siyasi fəal Mazen Həmadinin həbsxanada cəsədi tapılıb.

Mazen Həmadi hələ 2012-ci ildə təqiblərə məruz qaldığı üçün mühacirət edib.

Lakin ölkədə müharibə dayandıqdan sonra, 2020-ci ildə Suriyaya qayıdıb və fəaliyyətini bərpa edib. Bir neçə aydan sonra isə Mazen Həmadi yoxa çıxıb.

Ötən gün isə M.Həmadinin cəsədi Suriyanın Sednaya həbsxanasından tapılıb. M.Həmadinin işgəncə nəticəsində öldüyü müəyyən edilib.