Son günlər sosial şəbəkələrdə və mətbuatda əhali arasında yayılan qrip və ya qripə bənzər xəstəlik barədə çoxsaylı məlumatlar yayılır.

Əsasən azyaşlı uşaqlar arasında yayıldığı bildirilən bu xəstəlik zamanı baş ağrısı, əzələ ağrısı, həmçinin yüksək hərarət kimi əlamətlərin olduğu qeyd olunur.

Qeyd edək ki, bu əlamətlər zamanı xəstələrin ən çox istifadə etdiyi dərmanlar arasında parasetamol ilk sıralarda yer alır.

Hazırda parasetamol qızdırmanı azaldan ən populyar ağrıkəsicilərdən biri hesab olunur.

Lakin, mütəxəssislər parasetamoldan istifadə zamanı onun yan təsirlərinə qarşı diqqətli olmağı tövsiyyə edir.

- Bu dərmanın yüksək dozaları böyrək və qaraciyər çatışmazlığına gətirib çıxara bilər.

- Parasetamolun nəzarətsiz istifadəsi tez-tez mədə-bağırsaq qanaxmasına səbəb olur, müalicəsi xəstəxanaya yerləşdirilməsini tələb edir. Bəzi hallarda ölüm baş verir.

- Parasetamol allergiyaya da səbəb ola bilər. Dərmana qarşı allergik reaksiya dəridə qaşınma, qızartı, şişkinlik, eləcə də nəfəs darlığı kimi özünü göstərə bilər.

- Parasetamolun uzun müddət istifadəsi qan təzyiqi problemi olan insanlarda insult və ürək xəstəlikləri riskini artırır.