Xalq artisti Aygün Kazımova 54 yaşını qeyd edir. Sənətçi bu il də ad günündə sevənlərinin qarşısına tam fərqli layihə ilə çıxıb.

O, həyatından bəhs edən “Etiraf” adlı mahnısını və ona çəkdirdiyi klipini təqdim edib. 

“Həyatımın etirafı ilə qarşınızdayam” deyən müğənni illərdir yığdığı təcrübəni və zəfərləri musiqi vasitəsilə izah edib.

Aygün Kazımova bildirib ki, bu mahnını arzuladığı kimi təqdim etmək üçün illərdir gözləyir:

“Dünya ulduzlarının bu cür işlərini görürdüm, deyirdim, necə bacarıblar. Hər zaman belə bir iş təqdim etmək arzum olub. Bu ad günümdə ən böyük arzumu gerçəkləşdirdim. Bioqrafiyamda bir yenilik idi. Həyatımın etirafı, yaradıcılığımın mahnısıdır”.