“Düzünə Mehriban növbəti dəfə haqlı çıxdı”.

Bu sözləri Əməkdar artist Mehriban Xanlarova şəxsi instaqram hesabında paylaşıb. O, məsələyə belə aydınlıq gətirib:

“2012-ci ildən bu günə qədər sosial verilişlərdə ekspertlik təcrübəm var. Sosial verilişlərdə minlərlə insan talehi və hər cür insan görmüşəm. Ən əsası isə 40 illik peşə fəaliyyətim ilə qarşımdakı insanların daxilini, bədən dilini kitab kimi oxuya bilirəm. Boş yerə demirəm ki, mənim gözlərim rentgendir! "BizimləSən" proqramına müraciət edən Jalə və Şəlalə bacılarının səmimiyyətinə ilk gündən inanmırdım və bunu dediyim üçün bəziləri məni qınayırdı. Hətta fikirlərimə müxtəlif don geyindirməyə çalışırdılar ki, Mehriban paxıllıq edir və s... Bu gün Zaur Baxşəliyevin vasitəsilə həmin bacılara məcburi köçkün olduqları üçün dövlətimiz tərəfindən ev təklifi edildi. Lakin uzaq olduğunu bəhanə gətirərək həmin evdən imtina etdilər! Bəhanələri absurd və gülüncdür. Çünki onlar verlişə planlı şəkildə gəliblər və gözləri daha yüksəklərdədir! Ekspertlik fəaliyyətim ilə bağlı sosial şəbəkələrdə mənə "Düzünə Mehriban" ləqəbini layiq görən bütün tamaşaçılara minnətdarlığımı bildirirəm”.