2014-cü il noyabrın 12-də cəbhə xəttində erməni helikopterini vuran İlkin Muradovun tikintidə işləyərkən çəkdirdiyi fotosu müzakirələrə səbəb olub.

regionxeberlericom.az Unikal.org-a istinadən xəbər verir ki, bir çox istifadəçi keçmiş hərbçinin fəhlələlik etdiyini iddia ediblər.

Məsələ ilə bağlı Unikal.org-a açıqlama verən İlkin Muradov yayılan məlumatın əsasız olduğunu bildirib:

"Dostum evində tikinti işləri aparır.Məndən də xahiş etdi ki, ona kömək edim. Mən də məzuniyyətdə olduğum və bu işləri bildiyim üçün ona yardım etdim. Həmin vaxt foto çəkdirdik. İnsanlar da bunu yanlış anlayıb. Mən hazırda Neftçala rayonunda yanğınsöndürən işləyirəm. Mən heç yerdə fəhləlik etmirəm. Bu foto sosial şəbəkə istifadəçilərini yanıltmasın."

Qeyd edək ki, erməni vertolyotunun vurulmasını daha da məşhurlaşdıran "Vur, komandir, vur" ifadəsi olmuşdu.


Paylaş: