Türkiyənin məşhur sosial media fenomeni və müğənnisi Kerimcan Durmaz bu gün hakim qarşısına çıxıb.

Yanvarın 8-dən bəri həbsdə olan Kerimcan barədə məhkəmə gözlənilməz qərar verərək onun azadlığa buraxılmasına hökm edib.

Xatırladaq ki, ifaçı qanunsuz mərc oyunlarını təşviq etməkdə ittiham olunurdu və ona 1 il 3 aydan 5 il 3 ayadək həbs cəzası tələb edilirdi. Bu hadisə təkcə Kerimcanla məhdudlaşmır. Daha əvvəl eyni maddə ilə müğənni Sərdar Ortaç və şoumen Mehmet Əli Ərbil də saxlanılmış, lakin daha sonra sərbəst buraxılmışdılar.

Bu qalmaqallı məhkəmə prosesi Türkiyə ictimaiyyətində böyük marağa səbəb olub və sosial mediada geniş müzakirə edilməyə davam edir.