"Padişah" restoranında şirniyyatların qiymətindəki fərq müştərilərin narazılığına səbəb olub.
Tural Əkbərli adlı şəxs şikayət edərək bildirib ki, "Padişah" restoranında satılan şirniyyatların əksəriyyəti digər yaxın şirniyyat yeri olan "Dessert"- lə eynilik təşkil edir və restoranda müştərilərə daha baha satılır:
" Gələnlər bilir ki, restoran biri dessert olmaqla fəaliyyet gostərən iki hissədən ibarətdir. "Dessert"-də qiymetler çox əladır. Qardaşım restoranda yemək yeməli idi deyə girib həmin dessert yerindən şirniyyat sifariş verdim və dedim ki, gətirin restorana. Mənə restorandan dedilər ki, həmin şirniyyatlar bizim restoranda da var".
Müştərinin sözlərinə görə orda 3 manat qiyməti olan eyni tort, restoranda 5 manata satılır. Səbəbini soruşduqda isə ona verilən cavab "ordan-bura gələndə belə olur" olub.
Şikayətlə bağlı açıqlama almaq üçün restoranla əlaqə saxladıq. Məkanın meneceri Orxan Cəfəri "Dessert-in ümumiyyətlə restorana aidiyyatı olmadığını və orda satılan şirniyyatların onlara məxsus olmadığını dedi:
"Padişah restoranı iki mərtəbədən ibarətdir. İçərisində şirniyyatı da , yeməyi də, içəcəyi də var. Restoranın yanında yerləşən sırf "Dessert" adlanan məkanda isə kofe və şirniyyatlar verilir. Təxminən iki il bundan əvvəl həmin məkan bizə aid olub və sonra biz oranı başqa bir şəxsə dövr etmişik. Həmin məkanın özündə şirniyyatlar 3 manatdır, amma bizim restoranda məsələn bu 4 manat edir. Ordan restoranımıza nəsə alıb gətirən çox olub, düzdür. Müştərilər gedib ordan bir balaca tort alıb gəlib deyirlər ki, biz bunu burada yemək istəyirik. Demək istəyirik ki, "Padişah" restoranı ayrıdır, "Dessert" ayrı. Orda satılan şirniyyatların bizə aidiyyatı yoxdur".(sonxəbər)


Paylaş: