Ekspert Baş qərargah rəisininin müşavirədəki çıxşını və polkovnikin məhkəməyə verilməsini şərh edib

"Milli təhlükəsizlik və hərbi elmlər üzrə fəlsəfə doktoru ehtiyatda olan polkovnik Qəhrəman Mənsimzadənin orduda ciddi qanun pozuntuları və cəsusluq faktları ilə bağlı Ali Baş Komandana açıq müraciəti cəmiyətimizdə geniş rezonans doğurdu. Lakin bildiyiniz kimi, hərbçi alimin açıqladığı faktların yoxlanması əvəzinə ona və ailəsinə qarşı sosial mediada çirkin qaralama və böhtan kampaniyasına start verildi. Bununla polkovniki susdurmağa nail ola bilməyən dairələr hazırda başqa təzyiq formalarına keçiblər".

Bunu hərbi ekspert, Qarabağ qazisi, ehtiyatda olan polkovnik-leytenant Nazim Bayramov feysbuk hesabında yazıb.

O bildirib ki, Q.Mənsimzadənin videomüraciətində orduda "Fetö”çularla bağlı adını çəkdiyi bir zabit onu məhkəməyə verib, böhtan atmaqda ittiham edir: "Halbuki Q.Mənsimzadənin müraciətində böhtan yox, şahidi olduğu faktın yoxlanması xahiş olunurdu. Faktla bağlı polkovnikin müvafiq orqanlara müraciətlərindən 5(beş) ay keçməsinə baxmayaraq, heç bir rəsmi reaksiya olmadığı halda, əksinə onun özünü təqsirkar çıxardırlar".

Azərbaycan reallıqlarında heç şübhəsiz ki, iddiaçının arxasında polkovniki "sındırıb”, başqalarına görk etmək istəyən qüvvələr dayanıb. "Toxunulmazlığına” və qanunların fövqündə dayandığına arxayın olan Baş qərargah rəisi keçirdiyi müşavirədə ehtiyatda olan zabitlərin ordudakı ciddi qanun pozuntuların və neqativ halların artan tənqidlərinə, "собака лает, караван идет”, deyirsə, aydındır ki, belə "karvanbaşı” ordunu və ölkəmizi yalnız ağır məğlubiyətlərə və hərbi-siyasi katastrofa doğru aparır", - o bildirib.

Yazıdakı fikirlərlə bağlı Müdafiə Nazirliyindən münasibət pyrənmək mümkün olmayıb. 


Paylaş: