Tehran yaxınlığında İran tərəfindən vurularaq qəzaya uğrayan Ukraynanın “Boeing 737-800” təyyarəsində həlak olanların əksəriyyəti İranda dəfn ediləcək.

Bunu Ukrayna Beynəlxalq Hava Yollarının prezidenti Yevgeni Dıxne keçirdiyi mətbuat konfransında açıqlayıb. Qurum rəhbəri onu da qeyd edib ki, mütəxəssislərin həlak olanların kimliyini müəyyənləşdirməsi üçün hazırda kifayət qədər materialı yoxdur:

“Həlak olanların cəsədləri 4 müxtəlif xəstəxanadadır. Onların əksəriyyəti İranda torpağa tapşırılacaq. Onların hansı ölkənin pasportunu daşımasına baxmayaraq, çoxu İran əsillidilər və orada qohumları var”.

Dıxne, həmçinin, bildirib ki, İran bütün prosedurları başa çatdıra bilsə, Ukrayna vətəndaşlarının cəsədləri Ukrayna Müdafiə Nazirliyinin təyyarəsi ilə vətənlərinə gətirilə bilər.



Paylaş: