Qoç - Günün başlanğıcı çox mürəkkəb olacaq. Emosional fon sabit deyil, siz vurnuxur, özünüzü ora-bura çırpırsınız. Amma xoşbəxtlikdən, bu hal uzun sürməyəcək, siz tez sakitləşəcək, özünüzü ələ alacaqsınız. Məşğul olduğunuz işdə xeyli irəli düşə bilərsiniz. Əməyinizin bəhrəsi gözlədiyinizdən qat-qat yüksək olacaq.

Buğa - Kommersiya fəaliyyəti, sövdələşmələr üçün yaxşı zamandır. Düzdür, bu vaxt sizin daha çox pullar barədə düşünməniz sizi yaxşı tanımayan adamlarda düzgün olmayan təəssürat yarada bilər: sizi praqmatik, məncil biri kimi görəcəklər.

Əkizlər - İşgüzar baxımdan xoş gündür. Son zamanlar sizi çox narahat edən mürəkkəb və ciddi işdə irəliləyiş mümkündür. Rəhbərlik sizin işinizi qiymətləndirir. Əməkhaqqının artmasını və ya karyerada irəliləyiş gözləyə bilərsiniz.
Yeni tanışlıq üçün yaxşı gündür. Ünsiyyətə açıq insanlar sizə doğru can atırlar. Qiymətli kağızlar və ya aksiyalar ala, öz biznesinizə yatırım edə bilərsiniz. Səfərdə olan Əkizləri maraqlı macəralar gözləyir.

Xərçəng - Vacib görüşləri və danışıqları, yaxşı olar ki, səhər çağına planlaşdırasınız - məhz bu dövr diqqətəlayiq məsələlərin müzakirəsi üçün daha uğurludur. Eyni zamanda, maliyyə və əmlak məsələlərini həll edə, büdcəni planlaşdıra, lazım gələrsə, kredit götürə bilərsiniz. 

Şir - Özünüzü ələ alın. Heç olmasa zahiri sakitlik və soyuqqanlılıq bu gün yaranan problemləri yoluna qoymaqda işinizə yarayacaq. Amma emosiyalarınızı yığışdırmasanız, problemləriniz üst-üstə qalaqlanacaq. Başqa bir təhlükə isə havayı yerə ümidlənməyinizdir, iş görmək lazım olan
yerdə uğura ümid edib oturursunuz. Tənbəllik etməyin. Sizin işlərinizi heç kim  sizdən yaxşı yerinə yetirə bilməz.

Qız -  Günün birinci yarısı çox uğurlu keçir. Məhsuldar işləyir, mürəkkəb problemlərin öhdəsindən asanlıqla gəlirsiniz. Nüfuzlu insanların rəğbətini qazana biləcəksiniz, onlar böyük həvəslə çətinlikləri aşmaqda sizə yardım edəcəklər. İntellektual potensialınızdan əlavə, məlahətiniz də güclüdür, işgüzar münasibətlər asanlıqla romantik məcraya yönəlir.
Axşama doğru  isə vəziyyət dəyişəcək. Emosiyalarınız ağlınıza üstün gələcək və siz yersiz hərəkətlər edəcəksiniz. Tamahınızı yığışdırın, yoxsa sonra peşmanlıq çəkəcəksiniz.

Tərəzi - Bu gün sizin məlahətiniz çox işinizi irəli salacaq: müxtəlif insanlarla münasibət qurmaq, fikir ayrılıqlarını aradan qaldırmaq, məhsuldar əməkdaşlığa başlamaq asan olacaq. Əgər bu günə işə qəbulla bağlı görüş təyin olunubsa, narahat olmayın, əla keçəcək.

Əqrəb - İnadcıllığınız və dözümlülüyünüz işinizə yarayır. Başqalarının çaşqınlıqla geri çəkildikləri məqamlarda siz irəliyə addımlamaqda davam edir, daha nə qədər güc və vaxt sərf edəcəyiniz barədə fikirləşmirsiniz. Sizin öz gücünüzə inamınız "yoluxucu"dur: tezliklə anlayacaqsınız ki, sizi uğura inanan insanlar əhatə edirlər. 

Oxatan -  Müstəqil intellektual fəaliyyət üçün münasib zamandırr. Cari işləri və uzun-uzadı layihələri bir kənara qoyub, doğrudan da vacib olan problemləri həll etməyə çalışın. 
Axşam gözlənildiyindən daha çətindir. Emosional fon sabit deyil, adətən, sakit və təmkinli olan insanlar bu gün hisslərini gizlədə bilmirlər. Kaprizlərə, ötəri həvəslərə isə çox əhəmiyyət verilir. 

Oğlaq - Bu gün problemlər gözlənildiyindən daha asan həll olunur. Bir şey pisdir - bu zaman xırda detallar nəzərdən qaçır, lazımi amillər nəzərə alınmır. Bu səbəbdən də bu gün görülən işlərin əksəriyyətini gələcəkdə yenidən düzəltmək lazım gələcək. Günün ikinci yarısı ciddi fikir ayrılıqları gözlənilir. Ümumi iş görən insanlar mübahisə edir və layihələrin gələcəyini sual altına qoyurlar. Ailələrdə müxtəlif nəsillər arasında münaqişələr mümkündür.

Dolça - Sakit olun, təmkininizi pozmayın! Gün elə də yaxşı başlamır. Ancaq hər şey sizdən asılıdır. Əsas məsələ budur ki, həmkarlarınız və iş ortaqlarınızla dil tipa biləsiniz. Nə edirsiniz-edin, amma çalışın, belə olsun.  Bütün problemlərlə təkbaşına məşğul olmaq həm çox vaxt alır, həm də adamı yorur.
 
Balıqlar -  Səhəri gərgin işə sərf etməli olacaqsınız. Problem və çətinliklər boğaza qədərdir, amma siz onların öhdəsindən gələcəksiniz. Öz vaxtınızdan maksimal dərəcədə səmərəli istifadə edə biləcəksiniz. Bir dəqiqəniz belə itməyəcək. Təşkilatlanma və intizam rəqiblərinizi qabaqlamağa kömək edəcək, sizin ideyalarınızı anında gerçəkləşdirməyə hazır olan köməkçilərinizin sayəsində yorulmaq nə olduğunu bilməyəcəksiniz.


Paylaş: