Azərbaycanda fevralın 9-da keçiriləcək növbədənkənar parlament seçkilərində 123 saylı Kəlbəcər Seçki Dairəsi üzrə Milli Məclisin üzvlüyünə namizəd, jurnalist Vüqar Ələkbərov seçkiqabağı təşviqat çərçivəsində seçiciləri ilə görüşlərini davam etdirir.

RegionXəbərləri.com-un məlumatına görə, bu gün V.Ələkbərov Bərdə, Yevlax və Tərtər rayonlarında məskunlaşmış Kəlbəcərdən olan məcburi köçkün seçiciləri ilə növbəti görüş keçirib. Görüş səmimi və diskussiya şəraitində keçib və ölkəmizdə həyata keçirilən islahatlar, seçiciləri maraqlandıran məsələlər ətrafında müzakirələr aparılıb.
V.Ələkbərov ölkəmizdə Prezident İlham Əliyevin rəhbərliyi ilə aparılan uğurlu islahatlar, ölkəmizin sosial-iqtisadi inkişafı, beynəlxalq aləmdə nüfuzunun artması, insanların sosial rifahının yüksəldilməsi, dövlət tərəfindən məcburi köçkünlərə göstərilən diqqət və qayğı haqqında geniş danışıb. O qeyd edib ki, Ermənistanın Azərbaycana qarşı hərbi təcavüzü nəticəsində doğma yurdlarından didərgin düşən məcburi köçkünlərin, o cümlədən kəlbəcərli köçkünlərin problemlərinin həlli, sosial və mənzil şəraitinin yaxşılaşdırılması daim dövlətin diqqət mərkəzində olub, Prezident İlham Əliyevin rəhbərliyi və tapşırıqları ilə bu sahədə böyük işlər görülüb, yeni və müasir qəsəbələr salınıb, məcburi köçkünlərin yaşayış və işsizlik problemləri həll olunub.
V.Ələkbərov seçicilərə deputat kimi gördüyü işlərin hesabatını verib və palatformasında nəzərdə tutulan məsələləri diqqətə çatdırıb. Deputatlığa namizəd bildirib ki, harada və hansı işlə məşğul olmasından asılı olmayaraq daim doğma kəlbəcərlilərlə bir yerdə olacaq, onların qaldırdığı məsələlərə diqqətlə yanaşacaq.
Yüksək səviyyədə keçən görüş zamanı çıxış edən seçicilər deputatlığa namizəd V.Ələkbərova dəstək ifadə ediblər.Onlar bildiriblər kİ, fevralın 9-da Vüqar Ələkbərova səs verəcəklər.

RegionXəbərləri.com






















Paylaş: