PİA.az bildirir ki, vətəndaşların verdiyi məlumata görə 9 saylı Şəmkir kənd seçki dairəsindən deputatlığa namizəd Tural Zeynalov seçicilərə ərzaq paylayıb. Bu addımı ilin istənilən vaxtı hər kəs müsbət qarşılayardı, amma indiki halda bu seçki qanunlarının pozulmasıdır. Seçicilərə bu cür pul və ya təşviqedici bəxşişlərin verilməsi qanunla qəti şəkildə qadağan edilir.
Hal-hazırkı seçkilərdə deputatlığa namizədlərin böyük bir qismi oliqarx, iş adamı olduğunu nəzərə alaraq deyə bilərik ki, onların çoxu keçmiş təcrübələrində hətta hər seçiciyə pul paylamaq eşqinə də düşüb. Seçicilər arasında isə bu haqda məlumat yoxdur və bir çox hallarda asfalt çəkən, zibil qabı qoyan və s. xeyriyyəçilik əməlləri ilə rəğbət qazanmaq istəyən namizədlərə gözün üstə qaşın var deyən olmur, əksinə insanlar elə bilir ki, deputat xeyriyyəçiliklə seçilməlidir. Ancaq unutmaq olmaz ki, hökümət rəsmiləri də dəfələrlə xəbərdarlıqlar etdi ki, ənənəvi yollardan istifadə etməyin, yəni namizədlər arxayın şəkildə qanunları poza-poza seçkiyə getməyi düşünməsin, onların namizədliyi istənilən an ləğv edilə bilər.


Paylaş: