104 saylı Tovuz-Gədəbəy Seçki Dairəsindən deputatlığa ümstəqil namizəd Nazim Bəydəmirlinin təbliğat-təşviqat kampaniyasına problemlər yaradılır. Namizədin Seçki Qərargahının yaydığı məlumata görə, Gədəbəy rayonunun Şahdağ kəndində seçicilərlə görüşün dağıdılmasına təşəbbüs edilib. Nazib Bəydəmirli bu barədə bildirib ki, görüş zamanı kənd icra nümayəndəsi sakinlərdən birinə zəng edib oraya toplaşanlarındağıdılmasını tələb etdi:
“Dünənki hadisə və bugünkü cəhd onu sübut edir ki, Gədəbəy Rayon İcra Hakimiyyəti seçkiyə müdaxilə etmək üçün zəmin hazırlayır. Tovuz rayonunda heç bir mənfi hal müşahidə etməsək də Gədəbəydə bunu deyə bilmirik. Əlimizdəki materiallar MSK-ya və beynəlxalq müşahidəçilərə təqdim ediləcək”…
Namizəd bildirib ki, təşviqat kampaniyasına müdaxilə etmək üçün göndərilən kənd icra nümayəndəsinin müavinini seçicilər qovublar.Onun sözlərinə görə, hadisə ilə bağlı DSK-ya yazdığı ərizəni qəbul etməyiblər: “Dedilər ki, poçtla göndərin, poçta getdilər, oradan dedilər qəbz vermirik, aparatımız xarabdır. Xəbərdarlıq edirik ki, bələdiyyəyə üzv seçmirsiniz, belə xırdaçılığa son qoyun. Seçkiyə haram qatmağa imkan verməyəcəyik, özünüzə ziyan verərsiniz!”.
Seçki Qərargahından verilən məlumata görə, N. Bəydəmirli Qızıl Torpaq kəndində seçicilərlər görüşüb:
“Güclü külək olduğundan görüş qapalı məkanda davam etdirilib. Namizəd seçki platforması barədə kənd sakinlərini məlumatlandırıb, onların suallarını cavablandırıb. Seçicilər N. Bəydəmirliyə birmənalı dəstək ifadə ediblər.
Görşülər sabah daha bir neçə kənddə davam etdiriləcək.

 

Paylaş: