107 saylı Qazax Seçki Dairəsindən deputatlığa müstəqil namizəd Ramil Göyüşov Dairə Seçki Komissiyasına (DSK) şikayət edib.

Namizədn seçki qərargahından verilən məlumata görə, o, təbliğat-təşviqat kampaniyası zamanı yerli icra qurumlarının törətdiyi maneələrlə bağlı ətraflı məlumat verərək, ciddi tədbirlər görülməsini xahiş edib. Şikayət ərzisəsində təbliğat plakatlarının vurulmasına əngəllər yaradıldığı, bəzi seçki məntəqsinin ərazisində isə cırıldığı göstərilir. Qeyd olunur ki, 22,31,35 saylı məntəqlərdə şəkilləri qoparılıb, bu barədə Məntəqə Seçki Komissiyasına məlumat verilsə də, heç bir addım atılmayıb. Seçki qərargahından bildirilir ki, ona imza verən seçicilər yerli məmurlar tərəfindən işdən çıxarılacaqları ilə hədələniblər.

Şikayət ərizsəsində daha sonra qeyd olunur: “Səlahiyyətli nümayəndə, vəkil, müşahidəçi üçün şəxslərin sənədlərini dairəyə təqdim etdikdən sonra onlara icra hakimiyyəti tərəfindən müxtəlif üsullarla təzyiqlər göstərilib və geri çəkilmələri tələb edilir. Səlahiyyətli nümayəndəm Asəf Bənnayevə üzv olduğu YAP-dan səlahiyyətli nümayəndəlikdən imtina etmək tələb edilib. Əksi təqdirdə, partiyadan uzaqlaşdırılacağı ilə hədələnib".

Məlumatda bildrilir ki, YAP-ın namizədi Səməd Seyidovun seçki kampaniyasının aparılması üçün müxtəlif inzibati resurslar cəlb edilib: "Sosial mediada və saytlarda yayılan şəkillərdən görünür ki, rayonun icra strukturlarında işləyən müxtəlif şəxslər onun kampaniyasının əsas aparıcı simalarıdır".

Namizəd göstərilən qanun pozuntularının, seçkiyə müdaxilə hallarının araşdırılmasını, bu fəaliyyətlə məşğul olan şəxslərin cəzalandırılmasını tələb edib.


Paylaş: