Çin üzrə koronavirusun yeni tipi ilə xəstələnmiş insanların sağalması halları qeydə alınmaqdadır. Sağalan pasiyentlərin ümumi çayı 103 nəfərə çatıb. Bu barədə Çinin «Sinxua» agentliyi xəbər verib.

Nuyyan şəhərindəki xəstəxananın pasiyenti, 51 yaşlı Syuy agentliyə danışıb ki, Uxan şəhərinə gələndən 3 gün sonra, yanvarın 9-da onun hərarəti qalxıb. Əyalət həkimləri ona yeni tip koronavirusun doğurduğu pnevmoniya diaqnozu qoyublar. Onu izolyatora yerləşdiriblər və lazımi tibbi yardım göstəriblər.

«Quyçjous universitetinin nəzdindəki xəstəxanada intensiv terapiya kursundan sonra, pasiyent özünü yaxşı hiss etməyə başlayıb və onu xəstəxanadan çıxmağa hazırlayıblar» - deyə, böyük tibb bacısı Liçjan Şuantszı bildirib.

Çin Xalq Respublikası (ÇXR) səhiyyə işləri üzrə dövlət Komitəsinin məlumatına görə, yanvarın 28-də 43 yeni sağalma halı qeydə alınıb və 31 inzibati-ərazi vahidi üzrə sağalmışlar evə buraxılıb.

Bu arada yanvarın 30-da Hubey əyalətində 1220 yeni pnevmoniya xəstəliyi tutmuş insan qeydə alınıb – bunların 42-i letal sonluğa çatıb.

Uxan inzibati mərkəzində 378 yeni yoluxma halı və 30 yeni letal sonluq qeydə alınıb. Uyğun olaraq, Myaoqan və Syanyan şəhərlərində 142 və 123 yoluxma halı təsdiqlənib. Eyni zamanda xəstəxanadan 26 pasiyent evə buraxılıb.

Cümə axşamı günün sonuna olan vəziyyətə görə, Hubey əyalətində ümumilikdə, 5806 pnevmoniyaya yoluxma halı qeydə alınıb. Bu zaman 204 nəfər ölüb, 1094 nəfər isə ciddi və ya kritik vəziyyətdədir. 116 pasiyent xəstəxanadan evə buraxılıb.


Paylaş: