02.02.2020-ci il tarixdə Ucar Mədəniyyət evində 91 saylı Ucar seçki dairəsindən deputatlığa ən gənc namizəd Kazım Məmmədov seçicilərlə növbəti görüşü baş tutub.

Əvvəlcə 2 fevral gənclər günü münasibəti ilə gəncləri təbrik edən Kazım Məmmədov gənclərə ömrün ən gözəl hissəsi olan gəncliyi sağlam, xoşbəxt, qayğısız, gələcəyə töhfə olacaq şəkildə yaşayamağı arzu edib.

Gənc namizəd öz çıxışında Ucarda böyüyüb boya-başa çatan biri kimi gənclərin eləcədə rayonun ümumi problemləri və əhalinin qayğılarının ona tanış olduğunu bildirərək bütün problemləri və onların həll yollarını əhatə edən platformasını seçicilərin diqqətinə çatdırıb. Seçicilərlə səmimi söhbət çərçivəsində seçicilərin səmimi münasibəti və dəstəyi ilə qarşılaşan Kazim Məmmədov Ucarın və Ucarlıların xoşbəxt gələcəyi naminə, yorulmadan çalışmağa tam hazır olduğunu və bunu ləayqətlə edəcəyini söz verib.

Kazım Məmmədov: Ucarımızın inkişafı naminə vicdanla xidmət göstərəcəyəm və deputatla vətəndaş arasındakı səddi aradan qaldıraraq, fəaliyyətimizi daima sizinlə ünsiyyət halında davam etdirəcəyik. kəlimələri ilə görüşü yekunlaşdırdı.

Sonda seçicilər öz namizədlərinə ona hamılıqla dəstək olacaqlarını bildiriblər.


Paylaş: