Fevralın 9-da Azərbaycan Respublikasının Milli Məclisinə keçiriləcək növbədənkənar seçkilərin təbliğat-təşviqat kampaniyası çərçivəsində 91 Ucar seçki dairəsindən deputatlığa namizəd Əbil Məmmədov seçkiqabağı təşviqat çərçivəsində seçiciləri ilə görüşlərini davam etdirir.
RegionXəbərləri.com-un  məlumatına görə, Əbil Məmmədov seçki dairəsinə daxil olan Qazyan, Qaradağlı, Çiyni, Ramal, Şahlıq, Əlikənd, Alpout kəndlərinin, o cümlədən Ucar şəhər  sakinləri ilə görüş keçirib.
Seçicilərin yüksək fəallığı ilə keçən görüşdə Əbil Məmmədov  insanların sosial problemləri ilə yaxından maraqlanıb, onları dinləyib, seçiciləri maraqlandıran məsələlərə münasibət bildirib. 
Yüksək səviyyədə keçən görüş zamanı seçicilər deputatlığa namizəd Əbil Məmmədova dəstək ifadə ediblər. Seçicilər qeyd ediblər ki, onlar Əbil Məmmədovun onların etimadını doğruldacağına inanırlar və ona görə də fevralın 9-da ona səs verəcəklər.

RegionXəbərləri.com 












Paylaş: