Koronavirus epidemiyası ilə bağlı ən çox tələb olunan vasitə əl üçün sanitayzerlərdir. Tələbat o qədər yüksəlib ki, bir çox apteklərdə artıq onları almaq mümkün deyil. Ancaq əl üçün etibarlı antiseptik vasitəni özünüz də hazıraya bilərsiniz. Bu barədə Moskvanın Qabriçevsk adına elmi-tədqiqat epidemiologiya və mikrobiolgiya İnstitutunun direktor müavini, həkim-virusoloq Yevgeniya Selkova danışıb.

Vasitənin bir neçə resepti var. Birinci resept üçün 14,5 ml qliserin, 750 ml izopropil və ya 800 ml adi spirt, 20 ml distillə suyu və 42 ml hidrogen-peroksid tələb olunur.

İkinci resept daha sadədir - onun üçün aloe geli və 160 ml tibbi spirt lazım gəlir. Əl üçün antiseptiki 1 xörək qaşığı su, 5 xörək qaşığı araq, 5 damcı lavadanın efir yağı, 1 çay qaşığı aloe şirəsi və 5 qram xlorheksidindən də hazırlamaq olar.

Həkimin sözlərinə görə, antiseptik əllərin su və sabunla yuyulması qədər effektli deyil. Hər şeydən etibarlısı əllərin sabunla yuyulması, sonra isə antibakterial gellə «işlənməsi»dir. Əgər antiseptik yoxdursa, spirt tərkibli nəm salfetkadan istifadə etmək olar və ya əlləri spirtlə silə bilərsiniz.




Paylaş: