Xəbər verdiyimiz kimi, Milli Televiziya və Radio Şurasına yeni sədr seçilib.

Yeni sədr İsmət Rəcəb oğlu Səttarov 1983-cü ildə Bakı şəhərində anadan olub.

Səbail rayonu 160 saylı orta məktəbi bitirdikdən sonra Bakı Dövlət Universitetinin “İqtisadi kibernetika və tətbiqi riyaziyyat” fakültəsində bakalavr təhsili alıb. Həmin fakültənin magistr dərəcəsini bitirərək texnika elmlər üzrə fəlsəfə doktoru elmi dərəcəsini alıb.

2000-2004-cü illərdə bank sektorunda çalışıb, 2004-cü ildən 2010-cu ilə qədər isə Heydər Əliyev Fondunun Analitik-informasiya şöbəsində fəaliyyət göstərib.

2011-ci ildən yeni yaradılmış “Region TV” adlı prodüser qrupunun direktoru vəzifəsini icra edib, 2014-cu ildən həmin prodüser qrupunun əsasında yaradılmış “Region TV” telekanalının direktoru olub.

2016-cı ildən ARB Media Qrupun rəhbəri olub, “ARB24” MMC-nin direktoru vəzifəsini icra edib.

Evlidir, bir övladı var.

Xatırladaq ki, Milli Televiziya və Radio Şurasının keçmiş sədri Nuşirəvan Məhərrəmov 2003-cü ildən bu vəzifəni icra edirdi.



Paylaş: