Tibb işçilərinə verilən mükafatların həcmi ən azı 30 faiz artırılmalıdır.
Bu təkliflə Azərbaycanın sabiq spikeri Rəsul Quliyev deyib.

R.Quliyev qeyd edib ki, dünyada koronavirusa yoluxanların sayının 3 milyona çatmasına baxmayaraq müəyyən stabilləşmə hiss olunur, ölənlərin sayı azalır, müalicə olunanların sayı artır:

“Hələ ki, bu prosesi virus əleyhinə tam pozitiv hadisə saymaq olmaz. Azərbaycan höküməti ölkənin vətəndaşlarını bu bəladan qurtarmaq üçün səylərini daha da artırmalıdır. İlk növbədə dövlət büdcəsində yarana biləcək defisitdən qorxmamalıdır, post-koronavirus dövründə aparılacaq istənilən fundamental reforma büdcənin bərpa edilməsini təmin edə bilər. İkinci, vətəndaşlara edilən köməyin ünvanına çatması təmin edilməlidir. “Çinovnik”lərin çoxunun vəzifəsindən istifadə edən korrusioner və rüşvətxor olduğunu nəzərə alsaq, onlar ayrılmış vəsaitlərin bir hissəsini mənimsəməyə çalışacaqlar. Üçüncü, müharibənin birinci səddində dayanmış tibb işçilərinə verilən mükafatların həcmi ən azı 30 faiz artırılmalıdır”.(Pravda.az)


Paylaş: