Bakının Nərimanov rayonunda professor dələduzluqla üzləşib.

Ələkbərov Arif Ələkbər oğlu hüquq-mühafizə orqanlarına müraciət edərək Namazov Ramiz Şərif oğlu tərəfindən dələduzluğa məruz qaldığını bildirib.

Daxil olmuş ərizə ilə bağlı araşdırmalara başlanılıb və R. Namazovun həqiqətən professorun etibarından sui istifadə etdiyi sübuta yetirilib.

Faktla bağlı Cinayət Məcəlləsinin 178.2.4-cü (dələduzluq- xeyli miqdarda ziyan vurmaqla törədildikdə) maddəsi ilə cinayət işi başlanıb. İstintaq bitdikdən sonra cinayət işi baxılması üçün Nərimanov Rayon Məhkəməsinə göndərilib və hakim Samir Məmmədovun icraatına verilib.

Baş vermiş cinayət faktı ilə bağlı Arif Ələkbərovdan mövqe öyrənmək istədik. O, faktın baş verməsini təsdiq etsə də, ancaq bizə bunu yazmamağı məsləhət gördü.

Qeyd edək ki, Ələkbərov Arif Ələkbər oğlu iqtisad elmləri doktoru, 2011-ci ildən Azərbaycan Respublikasının Prezidenti yanında Ali Attestasiya Komissiyasının Sosial-iqtisadi və texnika elmləri şöbəsinin müdiri, həmçinin İqtisad Universitetinin “Ətraf mühitin mühafizəsi və iqtisadiyyatı” kafedrasının professorudur.


Paylaş: