Ləğv olunmuş Milli Təhlükəsizlik Nazirliyi (MTN) tərəfindən 2013-cü ildə həbs edilmiş jurnalist Pərviz Həşimli bəraət tələb edir. O, bildirib ki, Ali Məhkəmə Plenumu ReAl sədri İlqar Məmmədov və bu partiyanın üzvü Rəsul Cəfərov kimi ona da bəraət verməlidir.

“Çünki sabiq iqtisadi əlaqələr naziri Nicat Quliyevi də silahla şərləyən MTN-dəki məlum dəstənin bu cinayəti yeni halları üzə çıxardı. Mərhum vəkil Elton Quliyev, vəkil Adil Ismayilov Rusiyadakı “Makarov” zavodundan sənədlər gətirdi, məlum oldu ki, hər ikimizin “silahları” eyni sifarişlə istehsal olunub və eyni qutunun içindən götürülüb”, - deyə jurnalist vurğulayıb.

Pərviz Həşimli qeyd edib ki, onu qanunsuz olaraq həbsə alanlar Cinayət Məcəlləsinin (CM) 290 (Təqsiri olmadığını bilə-bilə cinayət məsuliyyətinə cəlb etmə), 292 (Qanunsuz olaraq tutma, həbsə alma və həbsdə saxlama) maddələri, hökm oxuyan hakim Novruz Kərimov isə bilə-bilə qanunsuz hökm çıxardığına görə, CM-nin 295-ci maddəsi ilə cinayət məsuliyyətinə cəlb olunmalıdırlar.


Paylaş: