İngiltərənin "Guardian" qəzeti alimlər tərəfindən koronavirus səbəbilə hazırlanan məqalə yayımlayıb.

Məqalədə mütəxəssislər koronavirus səbəbkarı olaraq insanı göstəriblər: "Son dövrlərdə yaşanan bütün hadisələr insan fəaliyyətinin nəticələridir. Mövcud böhranın yaratdığı problemləri aradan qaldırmaq və gələcəyə toxumlar səpməkdən qaçınmaq üçün kiçik bir fürsətimiz var".

Mütəxəssislərin sözlərinə görə, COVİD-19 sadəcə bir başlanğıc ola bilər: "Bu gün etdiyimiz seçimlərin mümkün təsirlərinə həddən artıq diqqət göstərməsək, gələcəkdə pandemiyalar daha çox olacaq və daha böyük iqtisadi təsir göstərəcəklər, nəticədə daha çox insan öləcək".

Bildirək ki, elm adamları ətraf-mühitin qorunmasını gücləndirmək üçün trilyon dollarlıq qiyməti olan iqtisadi canlanma paketlərinin istifadə edilməli olduğunu vurğulayıb. Onların sözlərinə görə, insanların sağlamlığı vəhşi heyvanların və mühitin təhlükəsizliyi ilə sıx əlaqəlidir. Pandemiyanın geniş yayıldığı ölkələrdə səhiyyə sisteminə xüsusi diqqət göstərilməli olduğunu vurğulayan alimlər, bunun gələcəkdəki qlobal epidemiyaları önləmək üçün vacib addım olduğunu bildiriblər: "Bəhs etdiyimiz proqramlar ildə milyonlarla dollara başa gələcək. Amma onsuz da bir əsrdə meydana gələn bir epidemiya trilyonlarla dollar itirilməsinə səbəb olur. İşlər belə davam edə bilməz. İşlərin belə davam etməsini ümid edənlər bir vaksinin tapılmasını gözləyirlər. Bu, yaxşı bir strategiya deyil. Altda yatan səbəblərlə mübarizə aparmalıyıq".


Paylaş: