Bakının Bayıl ərazisinin sakinləri qəribə qaz və ya neft qoxusundan narahatdır.

Yerli sakinlərin sözlərinə görə, xüsusilə küləkli havada iy daha çox yayılır və nəfəs almaq çətinləşir.

Sakinlər bu qəribə qoxunu neft qoxusuna bənzətsələr də, dəqiq mənbəyindən xəbərsizdirlər.

Ekologiya və Təbii Sərvətlər Nazirliyindən Cebhe.info-nun sorğusuna cavab olaraq bildirilib ki, ərazidə neft quyuları olduğu üçün müəyyən iy hiss oluna bilər. Ancaq bunu dəqiq müəyyənlşdirmək üçün ərazidə mütləq monitorinq keçirilməlidir:

“Mütəxəssislərimiz bununla bağlı araşdırma aparmalıdır. Çünki ərazidə neft quyuları var. Qoxunun mənbəyinin nə olduğu ancaq bundan sonra müəyyənləşdirilə bilər".


Paylaş: