Məşhur müğənni Talıb Taleh Lent.az saytının canlı yayımında olub.

Müğənni bir müddət öncə haqqında olan söz-söhbətlərə aydınlıq gətirib. Onu atasının evini təmir etdirməməkdə günahlandıranlara cavab verib:

"Biz 1988-ci ildə Ermənistandan qaçqın düşüb gəlmişik. Atam da, anam da müəllim işləyib. Son dövrlərdə müəllimlərin maaşında artım var. Həmin dövrdə müəllim maaşı ilə dörd ali təhsilli övlad böyütmək asan deyildi. Biz qaçqın həyatı yaşamışıq. Həmin vaxtı mənim əlimə də 3-5 manat pul gəlirdi atam da icazə vermirdi onu evə xərcləməyə. Son iki ildə evi təmir etməyə imkanım çatırdı amma atam yenə də icazə vermirdi. Həm də icra hakimi söz vermişdi ki, yeni ev veriləcək. Bu məsələləri atam daha yaxşı bilirdi. Son vaxtlar həqiqətən fikirləşirdim ki, artıq bu məsələni həll edək. Gəlib-gedən olurdu. Bütün valideynlərin arzusudur ki, övladının toyunu görsün. Nişanımda atam iştirak edə bilmədi. Vəziyəti çox pis idi. Düşünürəm ki, toyumu görmək istəyirdi amma görə bilmədi."


Paylaş: