Milli Məclisin Toponimiya komissiyasına Şamaxı rayonunda bir kəndin adının dəyişdirilməsi təklifi daxil olub.

Bunu APA-ya açıqlamasında Toponimiya komissiyasının sədri İsa Həbibbəyli deyib.

O bildirib ki, Şamaxı rayon İcra hakimiyyəti həmin rayonun inzibati ərazi bölgüsünə daxil olan Saqiyan kəndinin adının dəyişdirilməsi ilə bağlı məsələ qaldırıb: "Biz araşdırdıq və həqiqətən də bu kəndin adının mənşəyi barədə müxtəlif versiyalar olduğu ortaya çıxdı. Kəndin adının mənşəyi əslində bilinmir və müəyyən etmək çətindir. Ona görə də kəndin adının dəyişdirilməsi təklifinə müsbət yanaşmışıq. Toponomiya komissiyasının ayın 8-də keçiriləcək iclasında bu məsələyə baxılacaq və qərar qəbul ediləcək.

Şamaxı Rayon İcra hakimiyyətindən eyni zamanda kəndin adının hansı adla əvəzlənməsi ilə bağlı da təklif komissiyaya daxil olub. Təklifdə kəndin adının “Günəşli” adlandırılması münasib hesab edilib. Ccoğrafi mövqeyi də kəndin belə adlandırılmasına imklan verir. Bundan əvvəlki dövrlərdə - 1994-2000-ci illərdə bir müddət bu kənd Günəşli adlandırılıb. Ayın 8-də toponomiya komissiyasnın onlayn iclasında bununla bağlı qərar qəbul ediləcək".


Paylaş: