"Bu gün xeyli marketdə oldum, müşahidə aparırdım görüm ötən həftə ilə müqayisədə bir dəyişiklik varmı insanların PLANLAŞDIRMA qabiliyyətində. Bu dəfə müştərilər arasında çörək qırğını görmədim, ancaq çörəksiz piştaxtalar gözə dəyirdi..."

Bu sözləri tanınmış iqtisadçı İlham Şaban özünün facebook səhifəsində yazıb. İlham Şaban daha sonra bunları qeyd edib: "Nə qədər rulon salfetka alırlar.. elə zənn etmək olar ki, bu insanlar heç səhərlər də üz-gözlərini yumurlar, ancaq nəm salfetka ilə silirlər... Sadəcə insanlara kənardan baxıram: əsasən 30-40 yaşlılar - ər, arvad, uşaqla(r) teleşkanı daşana kimi doldurub gözaltı ora bura baxır və nədənsə kənardakıların eşidəcəyi səslə “filan şeyi də götürək, ondan da..” demələri..."

İqtisadçı gəlmiş olduğu qənaəti izləyiciləri ilə bölüşməyi də unutmayıb: "Əlində bir az pulu olan vətəndaşlarımızın BÜDCƏ PLANLAŞMASI bacarığı çox aşağıdır. Ailə də dövlətimizin kiçik modelidir. Belə isə Bizim Hökumət başqa cürə niyə olmalıdır ki? Onlar da bu zərrəciklərin faktiki başqa formada proyeksiyasıdır axı...

Bizim Hökumət məgər əlinə bir az BABAT neft pulu gələr gəlməz özünü elə o “teleşkasını ağzına kimi dolduran” Məmmədlər kimi aparmağa başlamamışdı?"


Paylaş: