Məlumdur ki, COVID-19 sahəsində çalışan 115 kubalı tibb mütəxəssisi iyulun 13-də Azərbaycana gəlib.

Tibbi heyətin 3 ay müddətində Azərbaycanda olacağı bildirilib. Ümumilikdə Kubanın tibb mütəxəssisləri dünyanın 20-dən çox ölkəsində pandemiya ilə mübarizəyə dəstək göstərir.

Kubalı həkimlərin fəaliyyətinin bu günədək nədən ibarət olması, təcrübə mübadiləsinin necə getməsi maraqlı məqamlardandır.

Bununla bağlı Sonxeber.az-a Azərbaycanın baş infeksionisti Cəlal İsayev danışıb:

"Kubalılar hazırda tətbiq etdiyi metodları bizə təklif edirlər, bizim tətbiq etdiyimiz metodları isə öyrənib öz səhiyyə sistemlərində istifadə edəcəklər. Hazırda təcrübə mübadiləsi aparılır.

Biz hamıdan öyrənməyə hazırıq. Dünya təcrübəsində hansı üsullar, hansı yeniliklər varsa anında öyrənib, həyata keçirməyə cəhd edirik".


Paylaş: