Rusiyada əcnəbilər və vətəndaşlığı olmayan şəxslərin vətəndaşlıq almasını sürətləndirəcək yeni qanun artıq qüvvəyə minib.

regionxeberlericom.az Cebhe.info-a istinadən xəbər verir ki, qanunla təsdiqlənən yeni qaydalara görə, Rusiya vətəndaşlığı almaq üçün müraciət edən şəxs əvvəl mənsub olduğu ölkənin vətəndaşlığından imtina etməyə bilər. Belə olan halda da onun yeni statusa müraciətinə müvafiq qaydada baxılacaq.

Hazırda vətəndaşlığı olmayan, ayrı-ayrı keçmiş SSRİ respublikalarında yaşayan keçmiş sovet vətəndaşları Rusiya vətəndaşlığı almaq üçün bu ölkənin ərazisində 3 il qalmaq və qanuni gəlir mənbəyini təsdiqlətmək məcburiyyətində də deyillər.

O ki qaldı əcnəbilərə, əgər şəxsin valideynlərindən biri Rusiya ərazisində yaşayırsa və vətəndaşlığı varsa, o da yeni statusa iddalı ola bilər. Ukrayna, Belarus, Qazaxıstan, Moldova vətəndaşlarının Rusiya vətəndaşlığını alması üçün qüvvədə olan yaşamaq icazəsinin olması kifayətdir.

Rusiya ali məktəblərinin məzunları isə vətəndaşlıq almaq üçün 3 yox, 1 il ölkə ərazisində işlədikdən sonra müraciət edə bilərlər.


Paylaş: