Yeni Azərbaycan Partiyası (YAP) Siyasi Şurasının üzvü, Milli Məclisin deputatı Mirkazım Kazımov bu gün Bakıda keçirilən "Formula 1” SOCAR Azərbaycan Qran Prisində "Williams Racing” komandasının pilotu Corc Rasselin bolidinin drenaj lyukuna ilişərək qəzaya uğramasından danışıb.
Deputat Demokrat.az-a açıqlamasında bu hadisənin xoşagəlməz hal olduğunu söyləyib:
"Bakıda "Formula 1" yarışlarının keçirilməsi ölkəmizin inkişafından və müassirliyindən xəbər verir. Bu yarışın Azərbaycanda keçirilməsini alqışlayıram. Çünki "Formula 1" yarışları Azərbaycanı dünyaya tanıdır, ölkəmizə xeyli sayda turistlər gəlir. Turistlər gəlib Bakıda necə gözəlliklər yaradıldığına şahid olurlar. Ancaq bu cür mötəbər tədbirlərin keçirilməsinə bəzi qurumların laqeyd yanaşaraq, öz işlərinin öhdəsindən düzgün gələ bilməməsi təəssüf hissi yaradır. Mən dəqiq deyə bilmərəm ki, bu qəzada günahkarlar kimlərdir. Hər halda o yol mütəxəssislər tərəfindən yoxlanıldıqdan sonra idman maşınları ora buraxılıb. Əsas məsuliyyəti mütəxəssislər daşıyır. Çünki yolları onlar yoxlayıblar.Yarışın keçirildiyi yollara Dormula-1-in mütəxəssisləri yoxlayırlar.Ona görə də hesab edirım ki,əgər belə bir hal baş veribsə bu həmin mütəxəssislırin günahıdır ".
Mirkazım Kazımov Bakı şəhəri yollarında quraşdırılan lyuklara görə avtomobilini ehtiyyatla idarə etdiyini bildirib:
"Bakıda bəzi ərazilərdə lyuklar düzgün quraşdırılmadığı üçün mən maşını ehtiyyatla sürürəm. Qorxuram ki, həmin ərazilərdən keçəndə altını lyuka vuraram. Əlbəttə ki, bütün bunlar yaxşı hal deyil".


Paylaş: