Belarus müxalifətinin prezidentliyə vahid namizədi Svetlana Tixanovskaya yeni bir videomüraciət paylaşaraq Avropa İttifaqından ölkədəki prezident seçkilərinin nəticələrini tanımamasını istəyib.

Sözügedən videomüraciət “Həyat üçün ölkə” platformasının “YouTube” kanalında yerləşdirilib.

“9 avqust seçkiləri nə ədalətli, nə də şəffaf idi. Nəticələri saxtalaşdırıldı”,- deyə o, müraciətində bildirib.

O, həmçinin etiraz üçün şəhər küçələrinə çıxan insanların döyülməsindən danışıb. “Belarusda səslərini müdafiə etmək üçün şəhərlərin küçələrinə çıxan insanlar ağır şəkildə döyüldülər, həbs edildilər, rejim tərəfindən işgəncəyə məruz qaldılar. Yüzlərlə insan yaralandı, ən azı iki nəfər həyatını itirdi. Bütün bunlar hazırda Avropanın mərkəzində baş verir”,- deyə S.Tixanovskaya sözlərinə əlavə edib.

Tixanovskaya qeyd edib ki, Prezident Aleksandr Lukaşenko Belarus xalqı və bütün dünya qarşısında legitimliyini itirib.



Paylaş: