Azərbaycan Milli Elmlər Akademiyasının (AMEA) prezidenti, akademik Ramiz Mehdiyevin karantin qaydalarına zidd olaraq nəvəsinə toy etməsi ilə bağlı tənqidi fikirlər səslənməkdə davam edir.

Toyda hazırda hakimiyyətin müxtəlif qollarında təmsil olunan digər şəxslərin də iştirak etdiyinə dair iddialar var. Hazırda xaricdə yaşayan bloqqer Həbib Müntəzir sözügedən toyun videokasetini izlədiyini və Milli Məclisin üzvü Aqiyə Naxçıvanlını da orada gördüyünü yazıb.

Aqiyə Naxçıvanlının köməkçisi Səyavuş Hidayətov isə Cebhe.info-ya açıqlamasında deputatın toyda iştirak etmədiyini deyib: “Aqiyə xanım nəinki həmin gün toyda iştirak etməyib, ümumiyyətlə, Bakıda olmayıb. Hazırda da Aqiyə xanım Bakıda yoxdur, məzuniyyətdədir”.


Paylaş: