Keçmiş Milli təhlükəsizlik naziri Eldar Mahmudovun köməkçisi və əmisi oğlu Vüqar Mahmudovun məhkəməsi başlayıb.

Bakı Hərbi Məhkəməsində baş tutan prosesdə hazırlıq iclası keçirilib və anket məlumatları dəqiqləşdirilib. Dövlət Təhülkəsizlik Xidməti mülki iddiaçı kimi tanınıb.

Digər zərərçəkmişlər - Zaur Əzimov 320 min, Sahib Qurbanov isə 100 min manatlıq mülki iddia qaldırıblar. 3 milyon pulu alınan zərərçəkmiş, “Bakı Metropoliteni”nin sabiq sədri Tağı Əhmədov isə prosesdə iştirak etməyib. Vəkillərin V.Mahmudovun ev dustaqlığına buraxılması barədə vəsatəti təmin edilməyib.

Proses mayın 15-də davam etdiriləcək.

V.Mahmudov mənimsəmədə, hədə-qorxu ilə tələb etmədə, əməliyyat-axtarış fəaliyyəti haqqında qanunvericiliyi pozma, vəzifə saxtakarlığı və hakimiyyətdən sui-istifadə etmə, hakimiyyət həddini aşma maddələrinin bir neçə bəndi üzrə ittiham olunur.


Paylaş: