Bu günlərdə Novosibirskdə yerləşən “Vektor” mərkəzinin COVID-19 əleyhinə ikinci peyvəndi qeydiyyatdan keçib.

Avqust ayında isə “Sputnik V” adlanan ilk peyvənd qeydiyyatdan keçib. Hazırda qonşu ölkə üçüncü peyvənd üzərində çalışır. Daha doğrusu peyvənd hazırlanıb, sadəcə qeydiyyatdan keçməsi ilə bağlı işlərə başlanıb.

Rusiya həm də yoluxmanın azalmadığı ölkələrdəndir. Son günlər qonşu ölkədə yoluxma ikiqat artıb.

Maraqlıdır, iki peyvənd istehsalçısı olan Rusiyada kütləvi peyvənləşmə aparılmır.

Tibb elmləri doktoru, professor Adil Qeybulla Cebhe.info-ya açıqlamasında Rusiyanın istehsal etdiyi peyvəndin müasir üsulla əldə olunmadığını bildirib:

“Bu peyvənd sadəcə virusu zəiflədir. Onun xeyli problemi və təhlükəsi var. Ona görə də Rusiya əhalisi peyvəndlənmək istəmir. İkincisi, peyvənd Dünya Səhiyyə Təşkilatı tərəfindən qəbul edilməyibsə, niyə istifadə edilməlidir? Müasir peyvənd aktiv immunizasiyadır. Virusun, bakteriyanın, mikroorqanizmin tərkibindəki antigenlər xüsusi malekulyar biologiyanın üsulları ilə orqanizmə hopdurulur.

Hesab edirəm ki, köhnə üsullardansa, müasir vasitələrlə bu vaksin alınmalıdır. Əslində xarici ölkələrdən müasir üsulla hazırlanmış peyvəndlər alınıb. Hələlik reklam olunmur, çünki istehsala buraxılmayıb. Həmçinin kliniki testlərdən çıxır. Amma Rusiya isə öz peyvəndini asanlıqla elan etdi və bütün dünyaya məsləhət də gördü”.


Paylaş: