Düşmən üzərində mütləq qalibiyyət qazanan rəşadətli Azərbaycan ordusunun qəhrəman əsgərləri döyüşlərdə böyük şücaət göstərdi. Hər bir əsgərimiz şəhidlərimizin qanını aldı. Onlardan bəziləri müxtəlif bədən xəsarətləri alaraq qazi oldu.

Vətən müharibəsi başlayan vaxt “Vətən dardadır” deyərək döyüşlərə könüllü qatılan yüzlərlə oğullarımızdan biri də Mirmövsüm Eynalovdur.

Cəbhədə öz şücaəti ilə düşmən qüvvələrinə ağır zərbə vuran qazimiz özü də döyüşlərdə ağır yaralanıb. O, ayağından və baş nahiyəsindən yaralansa da, bu gün yenə Vətən üçün canından keçməyə hazır olduğunu deyir.

Qazimizin qohum əqrəbasi onunla qürur duyduğunu, yenilməz ordumuzun Ali Baş Komandanı İlham Əliyevin yanında olduqlarını bildirirlər.

İndi hər kəs bu qəhrəmanı görmək üçün onların evinə ziyarətə gəlir, qəhrəmanımızın keçdiyi uğurlu döyüş yolunu elə onun öz dildən eşidirlər.

Mirmövsümün ailəsi də indi bu sevinci, torpaqlarımızın düşmən tapdağından qurtulmasını böyük coşqu ilə yaşayır.

[media=//baku.tv/az/cemiyyet/28109/]



Paylaş: