Azərbaycan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Gələcək İntellektual İnkişafa Yardım İctimai Birliyinin təşkilatçılığı ilə "Region Gəncləri arasında Qan Donorluğu Könüllülüyünün təbliği" layihəsi çərçivəsində Ucar, Göyçay və Zərdab rayon gəncləri üçün vebinar keçirilib.

Layihə rəhbəri GİİYİB – in sədri Kazım Məmmədov Vebinarı açaraq Layihənin donoru olan Azərbaycan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının fəaliyyəti haqqında iştirakçılara məlumat verib. Layihənin məqsədi haqqında danışan layihə rəhbəri qeyd edib k, 2020-ci il Cənab Prezidentin Sərəncamı ilə “Könüllülər ili” elan edilib. Bu layihəni GİİYİB olaraq ənənə xarakteri almış könüllülük layihə və tədbirlərinin davamı hesab etmək olar. Lakin bu layihə daha həssas və həyatı önəm daşıyan məntiqə dayandığı üçün onun davamlılığı daha prinsipial və vacibdir. Odur ki, layihənin davamlılığı bizim əsas məqsədimizdir.
Ucar rayon Mərkəzi Xəstəxanasının həkim pediatrı Səidə Ələkbərova Qan donorluğu ilə bağlı vebinar iştirakçılarına ətraflı məlumat verərək, qan donorluğunun mütəmadiliyinin insan sağlamlığı üçün vacibliyini qeyd etdi. Həkim eyni zamanda Koronavirusla mübarizədə gənclərə göstərilən sosial izolyasiya tədbirlərinə əməl etməyi və bilavasitə təbliğatçı olmağı tövsiyyə etdi. Daha sonra vebinar iştirakçılarının suallarını cavablandırdı.

Gənclərin Töhfəsi İctimai Birliyinin sədri Asim Vəliyev Azərbaycanın qazandığı böyük zəfər münasibəti ilə vebinar iştirakçılarını təbrik etdi. O , Sağlam qan donoru olmağın sağlam qidalanmadan keçdiyini bildirdi. Sağlam qida seçiminə diqqət etməyin vacib şərtlərindən danışdı.
Vebinarda İştirak edən Ucar rayon Yeni Azərbaycan partiyası Gənclər Birliyinin sədri Yusif Məmmədov Gəncləri qan vermə aksiyalarında fəal iştiraka çağırdı. Onlara könüllülüyün bir gəncə verə biləcəyi dəyərlərdən danışdı.

Ucar rayon Nizami Gəncəvi adına 3 saylı tam orta məktəbin müəlliməsi Gülçöhrə Xəlilli qeyd edib ki, Müzəffər ordumzun Şanlı Zəfərində könüllülərin göstərdiyi igidlik, qəhrəmanlıq Azərbaycanda könüllülüyün əsaslarının necə möhkəm olduğun bir daha göstərdi. Qan donoru olmağın nəcib, xeyirxah və sağlamlığımız üçün vacibliyini vebinar iştirakçıların diqqətinə çatdırdı

Sonda layihənin davamlılığı haqqında müzakirələr edilib.










Paylaş: