Rusiya KİV-nin yazdığına görə, Rusiya və “Dağlıq Qarabağ respublikası” (mövcud olmayan «subyekt» - Red.) rəhbərliyi hava nəqliyyatı məsələsini müzakirə edirlər. Rusiyadan ilk təyyarə Xankəndi aeroportuna artıq bu ay ərzində enə bilər. Bu barədə dekabrın 4-də Qarabağdakı mənbəyə istinadla, «RİA Novosti» agentliyi xəbər verib.

«Hazırda hər iki tərəf - biz və Rusiya bunun baş tutması üçün bütün səyləri göstəririk» - agentliyin Qarabağdakı həmsöhbəti bildirib.

Bildirilir ki, hava limanı həm də sərnişin reyslərinə xidmət göstərəcək. Belə reyslərin Xankəndinə təkcə Moskvadan yox, həm də Rusiyanın bölgələrindən olacağı gözlənilir.

2012-ci ilin oktyabrında Xankəndi aeroportu rəsmi olaraq istismara buraxılıb, ancaq Azərbaycan hələ bundan bir il əvvəl Qarabağa uçan təyyarələri vuracağı ilə hədələmişdi. Ermənistanın o vaxtkı prezidenti Serj Sərkisyan bəyan etmişdi ki, Yerevan-Xankəndi reysinin ilk sərnişini olacaq. Buna baxmayaraq, marşrut o zaman işə salınmamışdı.

İndi Rusiya hakimiyyətinin Qarabağdakı separatçı rejimlə Azərbaycandankənar iş birliyinə qol qoyması ölkə əhalisinin haqlı narazılığına səbəb olmaya bilməz. Həm də rusların bu gedişi Moskvanın beynəlxalq erməni terroru ilə əlaqəli olduğunun əyani göstəricisi sayıla bilər...


Paylaş: