“Mən polkovnik-leytenat Elşad Quliyevin ailəsini 1991-ci ildən tanıyıram. Atası, anası həkimdi. Qardaşı Elnur yaxın dostumdur”.

Bunu açıqlamasında vəkil Bəhruz Bayramov deyib. O, E.Quliyevin əvəzolunmaz dost olduğunu bildirib:

“Mən polkovnik-leytenat Elşad Quliyevin ailəsini 1991-ci ildən tanıyıram. Atası-anası həkimdi. Qardaşı Elnur yaxın dostumdu, eyni zamanda, kirvəyik. E.Quliyev haqqında çox şey deyə bilərəm. E.Quliyev “Meşə qardaşları” və digərləri də daxil olmaqla işlədiyi dövrdə 200-dən çox əməliyyat keçirib. Özü Xüsusi Təyinatlı olub və onun keçmiş Milli Təhlükəsizlik Nazirliyində işə başlaması da yadımdadır. O, Birinci Qarabağ savaşında Zəngilan döyüşlərində iştirak edib. Qardaşı Elnur da Qarabağ döyüşçüsüdür. Bu gün Elşadın 48 yaşı tamam olur. Elşad 2012-ci ilin aprelin 6-da MTN-nin Gəncədə terror törətməyə hazırlaşan silahlı qruplaşmaya qarşı keçrilən əməliyyatı zamanı qəhrəmancasına həlak olub. Qardaşı Elnur Quliyev hazırda polkovnikdir və Polis Akademiyasında müəllim işləyir. Bir sözlə, Elşad əvəzedilməz dost, peşəkar "spesnaz", xaraktercə möhtəşəm bir insan olub. Hamımızın fəxri olan Dövlət Təhlükəsizliyi Xidmətinin sədri, hörmətli general-polkovnik Əli Nağıyev Elşadı şəsxən tanıyırdı, onun keçirdiyi əməliyyatların şahidi olub. Elşad o vaxtkı MTN-nin “Qartal” Xüsusi Qrupunda bölmə rəisi olub. Bölmə rəisi olmasına baxmayaraq bütün əməliyyatları özü şəxsən keçirirdi. “Azərbaycan Bayrağı” ordeni və digər orden-medallarının adını bilməsəm də, yeddi dəfə medalla təltif olunub. Terrorçulara qarşı hansı çətin əməliyyatları keçirdiyini mən bilirəm, amma indi o haqda danışa bilmərəm. Elşada 2005-ci ildə məşhur "Qara kəmər" əməliyyatına görə medalı prezident İlham Əliyev şəxsən təqdim edib”.

Xatırladaq ki, Elşad Vəli oglu Quliyev 19 dekabr 1972 ci ildə Zəngilan rayonunda anadan olub. 1990-ci ildə isə Zəngilan rayon 1 saylı orta məktəbi bitirib. 1991-ci ldə Azərbaycan Texniki Universitetinə qəbul olub. 1995-ci ildən MTN-nin xususi təyinatli dəstəsində zabit rutbəsi ilə işə başlayıb.

Dəfələrlə xüsusi əməliyyatlarda iştirak edib. 2005-ci ildə “İgidliyə görə”, 2006-cı ildə “Qüsursuz xidmətə görə”, 2009-cu ildə “Vətən uğrunda” medalları ilə, ölmündən sonra isə “Azərbaycan Bayrağı Ordeni” ilə təltif olunub.


Paylaş: