Şəhidimiz Hümbətov Ruslan Səlim oğlu.

Şəhidimiz, Xüsusi Təyinatlı Dəstələrin giziri olan Ruslan Hümbətov hər ay əmək haqqısının bir qismini öz bir-neçə hərbi yoldaşı ilə ehtiyacı olan insanlara və xəstələrə sərf edirdi. 
Qeyd edək ki, Xüsusi Təyinatlı Dəstələnin giziri olan Ruslan Hümbətov 5 may 1987-ci ildə Samuxda  anadan olub. Əslən Ermənistan rayonunun Amasiya rayonundandır. 2014-cü ildə XTQ-ya qəbulla bağlı keçirilən kursda  217 nəfər içindən xüsusi fərqlənmə ilə seçilib.  2010-cu ildən öncəhbədə xidmət edir. 

2016-cı ildə gedən döyüşlərdə göstərdiyi xidmətlərə görə Ali komandanlıq tərəfindən medal və xüsusi fərmanla mükafatlandırılıb. 

2018-ci ildə Xüsusi Təyinatlı Qoşunlar arasında keçirilən beynəlxalq yarışda Azərbaycanı təmsil edib və birinci yeri götürüb. 

2020-ci ildə gedən döyüşlərdə Füzuli, Suqovuşan, Qubadlı, Murov və Kəlbəcər istiqamətində gedən döyüşlərdə iştirak edib və Kəlbəcərdə Şəhidlik zirvəsinə ucalıb.

Ailəlidir, 2 övlad sahibidir.

Şəhidləri Unutmayaq Unutdurmayaq.


Paylaş: