Rusiya mətbuatında və televiziyalarında ermənipərəstliyilə seçilən media mənsublarının müxtəlif vasitələrlə mükafatlandırılması və önə çəkilməsi tendensiyası davam etməkdədir.

Bir neçə gün əvvəl Rusiyanın Baş naziri Mixail Mişustinin mükafatlandırdığı jurnalistlər arasında Aleksandr Kots da var.

Daha çox hərbi müxbir kimi tanınan Kots 44 günlük Qarabağ Müharibəsi dövründə münaqişə zonasından ermənipərəst mahiyyət daşıyan, separatçı rejimin maraqlarına qulluq edən reportajlar yayması ilə seçilib.

Bədnam Peqovun bir tayı olan və Qarabağa “Artsax” deyəcək qədər obyektiv jurnalistikadan uzaq, qərəzli mövqeyə malik A.Kots “qaynar nöqtələrdən hazırladığı reportajlara görə” Rusiya hökumətindən xüsusi mükafat alıb.

Təbii ki, “qaynar nöqtə” dedikdə məhz Qarabağ nəzərdə tutulur. Və belə görünür ki, Rusiya hökuməti bu cür qərəzli və qatı ermənipərəst mövqe sərgiləyən “jurnalistlər”i mükafatlandırmaqla növbəti dəfə Qarabağ münaqişəsində kimin tərəfində olmasını, eləcə də bu təxribatçı ünsürlərin Qarabağa göndərilməsində, maliyyələşdirilməsində maraqlı olduğunu açıq şəkildə ortaya qoyur.


Paylaş: