Bir müddət əvvəl Səbail rayonunda yerləşən 162 saylı məktəbin şagirdi Elina Hacıyevanın intiharı hamımıza təxmini bəllidir. Hələ də gündəmdən düşməyən məktəblinin intiharı digər təhsil müəssisələrinə görk olmaq əvəzinə əksinə, yenə də direktor-şagird arasında baş verən bu səviyyəli qalmaqallı olaylar davam etməkdədir. Belə ki, paytaxtın Suraxanı rayonu ərazisində yerləşən Kəlbəcər rayon 108 saylı məktəbin direktoru Bəsti Hüseynova öz şagirdlərini təhqir etməkdən belə çəkinmir. Bir neçə valideynin imzasıyla redaksiyamıza göndərilmiş məktubdan sitat: -"Direktor hər uşaqdan pul yığır. İmkanı olmayan uşaqlara isə, siz yetimsiniz, geyiminzə baxın bir" deyərək övladlarımızı təhqir etməklə məşğuldur. Bu barədə Təhsil Nazirliyinə də dəfələrlə şikayət edilsə də heç bir nəticə əldə olunmub.

Sabah 108 saylı məktəbdə hansısa bıçaqlanma, yaxud intihar olarsa, dərs vaxtı bir şagirdin başına xoşagəlməz hadisə gələrsə bunun məsuliyyətini kim daşıyacaq? Məktəb direktoru, müavinlər, sinif rəhbəri və müəllimlər dərs vaxtı həmin şagirdin harda olduğuna nə cavab verəcəklər? 162 saylı məktəbdəki intihar da bir dərs olmalıdır ki, tədris saatlarında şagirdlər nəzarətdə saxlanmalıdır. Amma 108 saylı məktəb direktoru B.Hüseynovanın heç nə vecinə olmadığı, şagirdləri “aylıq”a buraxdığı deyilir. Məsələ ilə bağlı Kəlbəcər rayon Təhsil Şöbəsinin müdiri Esmira Şükürovaya zəng edib münasibət bildirməsini dedik. Esmira xanımın cavabı isə belə oldu, -o məktəbdə heç bir problem yoxdur, olanları da yoluna qoymuşuq. Yasımız düşüb, indi danışa bilmirəm, sonra əlaqə saxlayarıq, - deyib telefonu söndürdü. Sonradan isə bir neçə dəfə zəng etsək də zənglərimizə cavab vermədi. Esmira xanımın qısa cavabından bizdə sual yaranır, məktəbdə heç bir yoxlama aparılmadan, şagird və valideyinlər dinlənilmədən problemlər kiminlə və "necə" yoluna qoyulub? Aşağıda təqdim edəcəyimiz sinif jurnallarına baxanda bu məktəbdə nələrin baş verdyinin tam şahidi olmaq olar.
Jurnallara baxanda belə bir sual yaranır. Niyə bu şagirdlərə qiymət yazılmır və bu qədər qayıbı olan şagirlərə belə bir məktəbin fəaliyyət göstərməsi nə dərəcədə düzgündür? Əminik ki, sualımız hörmətli Təhsil Nazirliyi tərəfindən layiqli cavablandırılacaq.

Məktəb direktorunun və təhsil şöbəsi müdirinin mövqeyini dərc etməyə hazırıq.
Qanun-namine.info


Paylaş: