Masallı rayon Mərkəzi Xəstəxanasının baş həkiminin Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılması barədə yayılan məlumatdan sonra dövrü mətbuatda bir çox xəstəxanaların baş həkimləri barədə də həmin tədbirlərin həyata keçirilməsinin vacibliyi vurğulandı. Adları hallanan xəstəxanalardan biri də Qaradağ rayonunuda,Lökbatan qəsəbəsində yerləşən 19 nömrəli Birləşmiş Şəhər Xəstəxanası idi. Bu xəstəxanada baş verənlər barədə dövrü mətbuatada nələr yazılmışdı?

“Qaradağ rayonunun 19 nömrəli Birləşmiş Şəhər Xəstəxanası var. Elçin Hüseynov baş həkimdi. Poliklinika şöbəsinin baş həkimi Sevda Hacıyevadı. Orada çox böyük bıabırçılıqdı, alver gedir. Dövlətin verdiyi dərmanları satırlar, qeydiyyatı olan-olmayan adamlara pulla arayış yazırlar. Bununla bağlı əlimdə faktlar var. Qaradağ rayonunda qeydiyyatda olduğumuz üçün oradan tez-tez istifadə edirik. Dövlətin verdiyi dərmanları Elçin Hüseynov camaata satır. Mən bir çox məsələləri açmayacam. Hər halda, dövlət özü araşdıracaq”.

Aktualinfo.org 19 nömrəli Birləşmiş Şəhər Xəstəxanasında baş verən,lakin açıqlanmayan məsələlər ətrafında araşdırma aparıb. Əldə edilən məlumatlara görə xəstəxanın baş həkimi Elçin Hüseynov rayon İcra Hakimiyyətinin başçısı Süleyman Mikayılovun təqdimatı,yaxud da istəyi ilə buraya üç il olar təyin edilib. Bəzi versiyalara görə icra başçısının qohumu,amma dəqiq məlumatlara görə yerlisi olan Elçin Hüseynov qısa bir vaxtda xeyli dəyişib. Məlumatlara görə bu onun həm xarakterində,həm də maddi durumunda özünü biruzə verib.Belə ki, Elçin Hüseynov günün istənilən vaxtı işə gələndə sanki bir nazir kimi qarşılanır,avtomobilinin qapısını mühafizəçilər qaçaraq açır, portfelini kabininə qadər daşıyırlar. Bunun baş həkimə nə dərəcədə yaraşan bir hal olması barədə heç nə deyə bilmərik. Amma deyilənlərə görə bu yekəxanalıq Elçin Hüseynovda baş həkim vəzifəsinə keçəndən bir müddət sonra yaranıb.

Bəs xəstəxanada olan və açıqlanmayan faktlar nələrdən ibardir? Əldə etdiyimiz məlumatlara görə əhaliyə göstərilməli olan pulsuz xidmətlər 19 nömrəli Birləşmiş Şəhər Xəstəxanasında demək olar ki, formal xarakter daşıyır.Xəstəxanaya hər il yüz min manatdan çox dərman və sarğı ləvazimatların verildiyi halda bu səhiyyə ocağındakı həkim otaqlarında bir dənə belə dərman pereparatına rast gələ bilməzsən. Baş həkim Elçin Hüseynovun gündəlik qazancı xəstəxanada olunan əməliyyatlardandı.Əvvəlki baş həkim məlumatlara görə həkimlərin keçirdiyi hər cərrahiyyə əməliyyatından 50 manat alırmış. Amma Elçin Hüseynov bu qaydanı pozaraq yarının-yarıya prinsipi ilə işləməyi üstün tutub. Burada UZİ və RENTGEN aparatlarından yığılan pullar başqa formada hesablanır. Xəstəxanaya gələn və müayinədən keçmək istəyən istənilən vətəndaşın ÜZİ aparatına düşməsi üçün 15, RENTGEN aparatı üçün 15 manat pul ödəməsi mütləqdir. Həkimlər isə bir qayda olaraq ehtiyac oldu-olmadı xəstələri ora yönləndirilər. Bu baş həkimin birbaşa tapşırığı ilə həyata keçirilir.Məlumatlara görə baş həkim xəstələr üçün ayrılmış ərzaq məhsullarından da heç də az gəlir əldə etmir. Belə ki,xəstəxanada çarpayı sayına yemək hazırlanır. Amma gün ərzində burada müalicə olunan xəstə sayı ilə çarpayı sayına ayrılan yeməklər arasında çox böyük fərq var.

Əldə etdiyimiz məlumatlara görə xəstəxananın poliklinika şöbəsinin müdiri Sevda Hacıyeva həkimlərin yanına gələn xəstələrin siyahısnı tutdurur. Bunun üçün xəstəxananın bir neçə tibb bacısı bu işlə məşğuldur. Poliklinika şöbəsinin müdiri hər ay həkimlərədən azı 300 manat “haqq” yığır. Ancaq xəstəxana və poliklinika şöbəsinin baş həkimlərinin əsas qazanc yerlərindən biri də vətəndaşlara saxta arayış verilməsidir.Belə ki, 19 nömrəli Birləşmiş Şəhər Xəstəxanasının poliklinika şöbəsinin baş həkimi Sevda Hacıyevanın istənilən vəətndaşa xəstəlik kağızı, bülletenlər verir. Qeyd edək ki, poliklinikadakı əsas gəlir yerlərinən biri yalançı “xəstəlik tarixçə”ləri ilə verilən saxta arayışlardır. Baş həkimin digər maxinasiya əməlləri isə əlilliyin müəyyən edilməsi üçün “forma -88” arayışının verilməsi zamanı həyata keçirilir. Belə ki,Poliklinika tərəfindən onlayn qaydada aidiyyatı üzrə göndərilməli olan “forma -88” pul verilməsə aylarla kompüterin yaddaşında qala bilər. Xəstəlik olsa da, olmasa da tələb olunan pulu verməsən gərəkli tibbi rəy almaq qeyri mümkündür. Baş həkimin o rəyləri olmadıqda isə adiyyatı dövlət strukturları vətəndaşa pensiya təyin etmir. Amma tələb olunan məbləğ verildikdən sonra xüsusi parollarla onlayn qaydada aidiyyatı üzrə göndərilir.Bütün bunların hamısı isə 19 nömrəli Birləşmiş Şəhər Xəstəxanasının baş həkimi Elçin Hüeynovun ciddi nəzarəti altında həyata keçirilir.

Bunlardan əlavə. Hamıya məlum olduğu kimi diabet xəstəliyindən əziyyət çəkənlər dövlət hesabına dərmanlarla təmin olunurlar. Yəni dərmanlar bu xəstələrə pulsuz paylanır. Bu Nazirlər Kabinetinin 13 may 2005-ci ildə qəbul etdiyi 87 saylı qərar ilə təsdiqlənib. Qanuna əsasən, dövlət hər bir diabetli xəstəni dərmanla tam təmin etməlidir. Qanunda da şəkərli diabet xəstəliyinə tutulmuş şəxslər üçün dərman preparatlarının təyin olunarkən, terapevtik dozanın 30 günlük müalicə kursunu nəzərə almalı olduğu da qeyd olunur.

Diabet xəstələri hər gün qanda şəkəri aparatla ölçür. Bu onlar üçün həyati vacibdir. Bu aparat üçün lazım olan testlər – striplər, qanda şəkərin miqdarını müəyyən edən test çubuğu hər ay verilməli olduğu halda 19 nömrəli Birləşmiş Şəhər Xəstəxanasının poliklikasında üç aydan bir verilir. Xəstə isə məcbur olub test qutusunu aptekdən baha qiymətə alır. Xatırladaq ki, nazirlik tərəfindən xəstələrə paylanılan aparatlara uyğun testlər olmadıqda,aparat qanda şəkəri düzgün ölçmür ki,bundan da xəstələr əziyyət çəkirlər.

Sonda məlumat üçün bildirmək istərdik ki,Qaradağ rayon ərazisində 7 xəstəxana və 7 poliklinaka var. Bu xəstənalarda vəziyyət 19 nömrəli Birləşmiş Şəhər Xəstəxanasındakı kimi açınacaqlı deyil. Bunun isə bir səbəbi var. 19 nömrəli Birləşmiş Şəhər Xəstəxanasında Elçin Hüseynova özbaşınalıq etməyə,istədiyini həyata keçirməyə şərait yaradılıb. Yoxsa o bu qədər arxayınçılıqla qanunsuzluqlara yol verə bilməzdi. Bu şəraiti kim, “Tibbi Ərazi Bölmələrini İdarəetmə Birliyi”- TƏBİB rəhbərliyi yaradıb, yoxsa Qaradağ rayon İcra Hakimiyyətinin başçısı Süleyman Mikayılov? Birinci cavab veriləsi sual da məhz budur?
Aktualinfo.org


Paylaş: